大坑高質Cafe推介！開放式寵物友善咖啡小店！

HeyDay Cafe 大坑嘅咖啡店有好多選擇，今次喺施弼街（出名炳記茶檔）附近見到一間開放式設計，簡約風小店感覺嘅 HeyDay Cafe，試咗覺得幾好👍🏻！ 呢間cafe係一間街角cafe，前門係開放式玻璃窗設計，夏天或者天氣好嘅時候可以將窗打開，室內嘅空間就同室外連結，好似坐咗喺半路天嘅窗台上，又可以望住邊街景一路嘆咖啡，非常之悠閒，感覺好Chill！店內係木同簡潔設計風，雖然餐廳面積唔大，但都有齊二人同四人位，三五知己一齊聚都好啱。四周嘅玻璃窗引入大量自然光，令Cafe好光猛舒服。而且店舖仲係寵物友善，見到好多街坊食客都會帶住佢隻狗狗嚟一齊用餐！😆🐾 ～ Flat White $42 去親新cafe都會試佢嘅flat white，呢杯咖啡外觀同味道都一流。用咗磨砂面黑色陶瓷杯去裝，加上好靚嘅多層心形拉花，賣相滿分，而且仲好好飲。咖啡味道香濃，入口順滑，牛奶同咖啡Mix得好好，飲落好夾！呢度嘅咖啡好高質，估唔到咁好飲！ ～ Chicken Breast & Cheese Bagel $98 呢個Chicken Breast & Cheese Bagel 真係好正啊！Bagel 麵包煙靭口感彈牙，入口實得來又鬆化，好好味。雞胸肉非常嫩滑，微微烤過，唔會太乾或太軟。仲加上濃郁嘅芝士，味道更加豐富。啲雞肉同芝士嘅組合，真係好天衣無縫。仲夾仲啲蔬菜同埋醬汁，令整個組合更加refresh 同好味。值得一提嘅係Bagel 好大份， 中間餡料好多鋪滿全層😋 如果當係一個午餐都夠飽！呢間咖啡店好有驚喜、食物水準好高，好推介🥰！ HeyDay Cafe 地址： 大坑施弼街5號地舖 推介度：⭐️⭐️⭐️⭐️⭐️/5⭐️ #文青#咖啡#高質#推介#開放式#寵物友善#小店#悠閑#HeyDayCafe#coffee#cafe#簡約#輕工業風#大坑#熱門菜式#打卡#攻略#chill#週末#下次要再食